Dié plaaslike 'akteurs' - onder andere Louis van Brakel, Andene Gous en Charmaine Kriek – was deel van 'n groep ekstras wat gehelp het om 'n gehoor te vorm vir 'n toneel wat verlede jaar verfilm is in The Showroom in Prins Albert.
Lizz Meiring wat die rol van die praatsiek ontvangsdame, Bonnie van der Byl, vertolk het die grootste aandeel in die speurwerk van die fliek wat bemark word as “spanning vermeng met komedie”.
Roets het die uitdaging gehad om wat oorspronklik 'n verhoogtuk was in 'n film te omskep. Bekendes soos die sanger Anton Goosen, die komediant Solly Philander en die tjellis Leon Ecroignard maak ook hul verskyning in die fliek – as hulself.
Van die ander akteurs wat die bekendstelling by die Ster-Kinekor-teater bygewoon het was, was Louw Venter, Deon Lotz, André Weideman Jacques Theron, Geon Nel, Laré Brink en Dorette Potgieter.
Nog bekendes by die bekendstelling was die skrywer Abraham de Vries en sy vrou, Hannie, die akteur Albert Maritz, die digter Daniel Hugo en Gert Rautenbach, seun van wyle Jans Rautenbach – en natuurlik Roets en sy lewensmaat, Eunice Visser, wat die rol van 'n ywerige persfotograaf in die fliek speel.
Die grootste deel van die film is in Klaarstroom se kerksaal geskiet en aksietonele is ook op mosselbaai geskiet.
Dorette Potgieter en Lizz Meiring by die bekendstelling. Foto: Marlene Malan
Anton Goosen, Lizz Meiring en Lida Botha tydens die verfilming. Foto: Hannes Visser.
ARTIKEL: MARLENE MALAN
'Ons bring jou die nuutste Prins Albert, Klein Karoo nuus'
