Die fees, van 29 Junie tot 3 Julie het 74 inskrywings, waaronder 14 vollengteflieks, 9 dokumentêre en 51 kortfilms (eksperimente en animasiesflieks). Soos verlede jaar gaan die wenfliek in elke kategorie aangewys word en gaan 'n lewensbydrae vir 'n groot rolspeler in die Suid-Afrikaanse filmbedryf weer toegeken word. Vanjaar is daar ook meer vertoonlokale.
Die teater, The Showroom, is weer die hooflokaal met die bykomende vertoonlokale die Sydwell Williams-saal in die woonbuurt Noordeinde, die Jans Rautenbach Schouwburg in De Beerstraat, en die saal van die Hoërskool Zwartberg.
Die organiseerder van die fees, bekende filmmaker en mede-eienaar van The Showroom, Johnny Breedt sê: “Vanjaar se fees is baie groter as verlede jaar. Dit duur vyf dae, pleks van drie, en ons verwag sowat 1 000 besoekers.”
Al die films wat vertoon gaan word, is deur Breedt en 'n span gekeur.
Filmmaker en mede-eienaar van The Showroom, Johnny Breedt. Foto:Marlene Malan
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
