OUDTSHOORN NUUS - Vanjaar wag daar 'n fees van skrywers en hul boeke op KKNK-gaste: Van ons land se voorste, interessantste en kundigste fiksieskrywers, historici, meningsvormers, kosskrywers, filosowe, digters, jeugskrywers, filmkenners, dramaturge, joernaliste en ja, sommer net lekker storievertellers, bied 'n propvol program van lees, luister, lag, dink en debatteer aan boekhonger feesgangers.
Verskeie plaaslike digters en skrywers is ook in vanjaar se program opgeneem. Met drie verskillende lewendige en interessante gesprekke elke dag is dit 'n propvol program met meer as 20 gesprekke. Die program is deur die bekende digter, vertaler en radioman dr. Daniel Hugo opgestel en word ook deur hom aangebied.
Hierdie heerlike lees-en-boekefees, daagliks van Donderdag 24 Maart tot Woensdag 30 Maart, is gratis en inderdaad iets om by te woon.
Die volledige program is soos volg:
Donderdag 24 Maart
10:30: Marlene Malan in gesprek met Heindrich Wyngaard oor A Home for Zephany/'n Tuiste vir Zephany, die skokverhaal oor kinderdiefstal.
14:00: Marlene Malan in gesprek met Poem Mooney oor sy kontreigedigte.
17:00: Daniel Hugo in gesprek met Pienkes du Plessis oor sy nuwe bundel Robbie se
broer se roer en ander jagstories.
Vrydag 25 Maart
14:00: Daniel Hugo in gesprek met Hannes Visser oor sy gedigte en koerantrubrieke.
17:00: Daniel Hugo in gesprek met Nicola Hanekom oor haar bekroonde dramas Die pad byster en Land van skedels.
Saterdag 26 Maart
14:00: Daniel Hugo in gesprek met Nicol Stassen oor sy monumentale werk Die Dorslandtrek.
17:00: Francois Ferreira in gesprek met Kokkedoor-kok Beate Joubert oor haar kosboek Proe die Klein-Karoo.
Sondag 27 Maart
14:00: Daniel Hugo in gesprek met Suzanne Ongansie oor haar gedigte.
17:00: Willie Esterhuyse in gesprek met Theuns Eloff oor sy nuwe boek Wat nou, Suid-Afrika?
Maandag 28 Maart
14:00: Hannes Visser in gesprek met David Piedt oor sy boek Behoed en Bewaar.
17:00: Wendy Maartens in gesprek met Anzil Kulsen oor haar nuwe aktuele jeugboek Sorrie Maak nie gesond nie.
Dinsdag 29 Maart
14:00: Daniel Hugo in gesprek met Andre Boezak oor sy skryfwerk
17:00: Mia Oosthuizen in gesprek met Wendy Maartens oor haar reeks eg-Suid-
Afrikaanse kinder- en jeugboeke.
Woensdag 30 Maart
17:00: Daniel Hugo in gesprek met Willie Esterhuyse oor sy omstrede boek Geagte Jahwe.
Woordkuns
Woensdag 30 Maart
14:00: Ons Komvandaan – optrede deur die Breytenbach Sentrum se Kaleidoskoop Dramagroep
ARITKEL: MARLENE MALAN
'Ons bring jou die nuutste Oudtshoorn, Klein Karoo nuus'
