PRINS ALBERT NUUS - Ná net 18 maande sedert sy stigting is die ATKV Prins Albert een van dié organisasie se sterkste takke in die Wes-Kaap.
So het die voorsitter, Denise Ohlson, gesê tydens 'n ATKV-kultuuraand in die Jans Rautenbach Schouwburg op die dorp.
Ohlson het meer oor die tak en sy werksaamhede vertel aan Daniel Hugo, oud-radio-omroeper, digter en vertaler, wat as gasheer opgetree het by 'n “radio-aand”.
Die geleentheid, waarin 'n radio-ateljee op die Schouwburg se verhoog voorgestel is – met Hugo en sy gaste agter die mikrofoon – was “ 'n geleentheid waarin Prins Alberters mekaar beter kon leer ken en meer uitvind oor ander inwoners se belangstellings,” het sy gesê.
Hugo het onderhoude gevoer met agt Prins Alberters wat die afgelope jaar hul merk in die dorp gemaak het. Die “radio-gaste” was Christelle Smit en Hanli Burger, wat die afdeling poësie en prosa gewen het die Prince Albert Leesfees se kompetisie vir skeppende skryfwerk; Nell Kruger, wat vertel het oor die sukses van die onlangse Leesfees; Ailsa Tudhope, wat vertel het oor haar storievertelprojek op die dorp; Samie Luttig, wat gepraat het oor die sukses en uitdagings van landbou in die omgewing; Ohlson, wat oor die ATKV-werksaamhede hier gesels het; Sarah van Rooi, afrigter van die Prins Albert Vastrappers; en Diederik le Grange, boer en wynmaker van die plaas Fernskloof in die Prins Albert-vallei, wat verduidelik het waarna jy moet oplet wanneer jy wyn proe.
Daniel Hugo gesels met Denise Ohlson en Sarah van Rooi tydens 'n ATKV-aanbiedings onlangs op Prins Albert.
ARTIKEL: MARLENE MALAN
'Ons bring jou die nuutste Prins Albert, Klein Karoo nuus'
