OUDTSHOORN NUUSFLITS - 'n Standbeeld van Dr HF Verwoerd wat oorspronklik by die munispaliteit gestaan het, en reeds meer as 20 jaar van stoor tot stoor in die CP Nel Museum geskuif is, het 'n laaste rusplek in Orania gekry.
Twee lede van die Oraniabeweging, James Kemp (Woordvoerder van die Oraniabeweging) en Sebastiaan Buel (Senior navorser van die Oraniabeweging) het gister Oudtshoorn toe gekom om die standbeeld te haal.
Volgens Buehl het Orania 'n stigting wat spesifiek die erfenis en kultuur van die Afrikaner bewaar en hulle het sover bykans 20 standbeelde van oor die hele land ontvang wat hulle bewaar.
'n Inwoner van Orania het besoek aan Oudtshoorn gebring en van die borsbeeld van Verwoerd te hore gekom. Die Oraniabeweging het aangebied om die beeld op eie koste te haal en in die Verwoerdmuseum te plaas.
"Mense het 'n wanindruk van Orania. Die kultuurerfenis van die Afrikaner is vir ons kosbaar en ons wil toesien dat dit nie verlore gaan nie," het Kemp Dinsdagaand tydens 'n praatjie met belangstellendes gesê.
'n Standbeeld van Dr HF Verwoerd wat oorspronklik by die munispaliteit gestaan het, en reeds meer as 20 jaar van stoor tot stoor in die CP Nel Museum geskuif is, het 'n laaste rusplek in Orania gekry.
Lees meer in Vrydag se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
