SUID-KAAP NUUS - Triton Hengelklub is as wenner van die somerliga aangewys tydens die Eden Hengel Assosiasie se prysuitdeling op Saterdag 20 Mei.
Dié liga het op 22 April op Wilderness ten einde geloop en was die negende byeenkoms, waar gevis was vanaf Leentjiesklip tot Gerickespunt by Swartvlei. Toestande was nie baie goed vir hengel nie, aangesien die see baie ontstuimig was.
Outeniqua Hengelklub van George het daarin geslaag om die beste te vaar op die betrokke dag met 162.01 punte. Die top hengelaar was Henrico Lesch (Outeniqua); die top junior (o.21) was Alex Schmidt (Triton); die top meester was René Cronje (Stilbaai) en die top dame Nicole Crause (George).
Die grootste eetbare vis, 'n kabeljou van 4.67kg is deur Raldo Potgieter van Stilbaai ingekatrol. Renier Nortje van Knysna het die swaarste oneetbare vis, 'n bullrog pylstert van 33.41kg gevang.
(Liga, naam van klub, totale gewig): A-liga: Triton1 (1 063.28); Stilbaai 1 (890.83); George 1 (830.57); Knysna 1 (787.64); Outeniqua 1 (776.62); Atlantic 1 (700.31); Mosselbaai 1 (238.34). B-liga: George 1 (474.51); Outeniqua 1 (425.77); Stilbaai 1 (387.97); Triton 1 (315.30); Atlantic 1 (284.15); Knysna 1 (119.62); Weermag 1 (55.91). C-liga: Atlantic 1 (290.11); George 1 (187.20); Stilbaai 1 (116.80); Outeniqua 1 (27.75); Triton 1 (7.15).
• Die volgende kompetisie is op 23 en 24 Junie en is die eerste van die winterliga.
Triton Hengelklub is van links agter André Els, Steve Denny, Brain Fuchs en Gallie Slabbert. Middel: Danie Lodewyk, Alex Schmidt, Jacques Snyman en David Swart. Voor: Chris Ferreira en Banie Vermeulen.
'Ons bring jou die nuutste Tuinroete, Klein Karoo, Hessequa nuus'
