OUDTSHOORN NUUS - Die eersteliga vrouespan van die Wesbank-tennisklub het Saterdag sy onoorwonne status in die ligakompetisie van die Eden-tennisvereniging behou toe hulle die span van George vir die tweede keer binne 'n week geklop het. Die keer met 5-0.
Die klub se twee mansspanne het ook Saterdag goeie oorwinnings behaal.
In 'n eersteligawedstryd op Plettenbergbaai het Wesbank se A-span met 3-2 gewen terwyl die klub se tweedeliga B-span met dieselfde telling op Uniondale geseëvier het.
In die wedstryd teen Plettenbergbaai het Wesbank na oorwinnings in die enkelspelle met 2-0 voorgeloop maar daarna twee dubbelspelwedstryde verloor om gelyk te trek.
Dirkie Potgieter en Pietman Schoeman moes alles uithaal om Richard Schultz en Neville Botes in die beslissende wedstryd te uitoorlê vir 'n oorwinning.
In die wedstryd tussen Wesbank B en Uniondale was dit Pieter Schoeman en Danie Steyl wat die oorwinning vir Wesbank beklink het met 'n sege in die laaste dubbelspel van die dag.
Die volledige uitslae is:
Wesbank 5, George 0.
Enkelspel: Christine van Coller klop Chané Grikus 6-0, 6-0; Karin Deltenre klop Bernice Bezuidenhout 6-0, 6-3.
Dubbelspel: Rida Bester en Hanlé Cronje klop Sonja Botha en Thea Malherbe 1-6, 6-4, 6-3; Van Coller en Bester klop Grikus en Botha 6-2, 6-3; Deltenre en Cronje klop Bezuidenhout en Malherbe 6-4, 6-3.
Wesbank 3, Plettenbergbaai 2.
Enkelspel: Jacques de Beer klop Dave Olsen 6-4, 3-6, 7-6; Dirkie Potgieter klop Neville Botes 6-4, 3-6, 6-1.
Dubbelspel: Pietman Schoeman en Deon Knoetze verloor teen Richard Schultz en Justin Fritteli 4-6, 3-6; De Beer en Knoetze verloor teen Olsen en Fritteli 4-6, 3-6; Dirkie Potgieter en Pietman Schoeman klop Schultz en Botes 6-3, 2-6, 6-1.
Wesbank B 3, Uniondale 2
Enkelspel: Paul Fourie klop Ben-Pierre Stemmet 6-2, 6-2; Danie Steyl verloor teen Nico le Roux 5-7, 1-6.
Dubbelspel: Ernst Kok en Pieter Schoeman klop Pieter-Matt Stemmet en Lawrence Howell 6-1, 3-6, 6-2; Fourie en Kok verloor teen Ben-Pierre Stemmet en Howell 5-7, 4-6; Schoeman en Steyl klop Le Roux en Pieter-Matt Stemmet 6-2, 6-2.
'Ons bring jou die nuutste Oudtshoorn, Klein Karoo nuus'
