OUDTSHOORN NUUS - Die vrouespan van die Wesbank-tennisklub het hul titel as eersteliga kampioen van die Eden-tennisvereniging behou toe hulle Plettenbergbaai Saterdag in die laaste wedstryd van die seisoen oortuigend met 5-0 geklop het.
Die twee spanne het ook verlede jaar sake in die eindstryd uitgespook.
In die tweedeliga manskompetisie het Wesbank B1 Saterdag vir Pacaltsdorp op sy tuisbane met 5-0 verslaan, terwyl die B2-span in 'n spannende wedstryd op Oudtshoorn net-net met 2-3 teen Rietbron verloor het.
In die vroue-eindstryd het Christine van Coller en Karin Deltenre hul enkelspelwedstryde maklik gewen.
Van Coller het Debra Hyde met 6-1, 6-1 geklop, terwyl Deltenre vir Tessa Micic met 6-0, 6-0 verslaan het.
Rida Bester en Hanlé Cronje moes harder baklei om vir Retha Matthee en Julia Milachowski te klop. Die telling was 2-6, 6-3, 6-1.
Van Coller en Bester het hierna vir Hyde en Matthee met 6-4, 6-3 verslaan, terwyl Deltenre en Cronje vir Micic en Milachowski met 6-1, 6-1 kafgedraf het.
Ander uitslae
Mans (tweede liga)
Wesbank B1 5, Pacaltsdorp 0.
Enkelspel
Danie Steyl klop Calvin Lottering 6-3, 6-0; Hugo van der Berg klop Braam America 6-2, 7-6.
Dubbelspel
Ernst Kok en Pieter Schoeman klop Enrico Tarentaal en Wayne Britz 6-1, 6-2; Hugo van der Berg en Pieter Schoeman klop Braam America en Enrico Tarentaal 6-4, 7-6; Danie Steyl en Ernst Kok klop Calvin Lottering en Wayne Britz 7-5, 7-6. Wesbank B2 2, Rietbron 3.
Enkelspel
Paul Fourie klop Luther Matthee 6-4, 6-1; Marcel Petzer verloor teen Tiaan Theron 3-6, 2-6.
Dubbelspel
Corlu Nel en Celliers Petzer verloor teen Riaan Janse van Vuuren en Freddy Lötter 1-6, 2-6; Marcel Petzer en Corlu Nel verloor teen Tiaan Theron en Freddy Lötter 1-6, 6-3, 13-15.
Paul Fourie en Celliers Petzer klop Riaan Janse van Vuuren en Luther Matthee 6-3, 3-6, 10-8.
'Ons bring jou die nuutste Oudtshoorn, Klein Karoo nuus'
