OUDTSHOORN NUUS - Twee van die drie spanne van die Eden-tennisvereniging wat Saterdag op Beaufort-Wes in vriendskaplike wedstryde teen Sentraal-Karoo gespeel het, het met die kous oor die kop huis toe gekom.
Die span van Vivian Lottering (kaptein), Johan Cloete, Johan Janse van Vuuren en Melvin Plaatjies het met 27-51 verloor, terwyl die vrouespan met 26-52 die onderspit gedelf het.
Die span van Danie Steyl (kaptein), Calvin Lottering, Pieter Schoeman en Garnett Wicomb het egter maklik met 61-27 geseëvier.
'Ons bring jou die nuutste Oudtshoorn, Klein Karoo nuus'
