OUDTSHOORN NUUS - Twee premierligaspanne, Bridgton en Barbarians het op Saterdag 19 Mei vir groot opwinding op die Rec in Oudtshoorn gesorg.
Barbarians het in 'n naelbytstryd vir Bridgton met 13-12 gewen.
Beide spanne se verdediging, voor en agter, het gesorg dat die telling laag bly. Aanval na aanval is geloods, maar die baldraers moes hulle storie ken om deur die verdediging te breek.
Jose Petersen (regtervleuel) en Winston Seconds (agtsteman) het vir die wenspan gaan druk.
Wahlan Anthony (heelagter) slaag met 'n doelskop.
Vir Bridgton is Anver Venter (buitesenter) en Rhupino Plaatjies (binnesenter) oor vir drieë. Keanin Esau (losskakel) klits 'n doelskop oor.
Bridgton se tweedspan het met 31-18 gewen, die derde spanne drie elk gelykop gespeel het.
'Ons bring jou die nuutste Oudtshoorn, Klein Karoo nuus'
