OUDTSHOORN NUUS - SWD-rugbyunie se klubrugby Sewestoernooi skop die komende naweek af.
Volgens Hennie Baartman, president van SWD-rugbyunie, is dit weer ingestel en 'n SWD-sewesspan gaan saamgestel word wat op 21 en 22 Oktober aan die provinsiale kompetisie in Nelspruit deelneem.
"Die kompetisie is juis ook om die spelers te identifiseer wat die unie kan verteenwoordig in die provinsiale kompetisies waar die unie deelneem. Die huidige 68 klubs in die unie is opgedeel in vyf geografiese streke. Hierdie streke is Langeberg, Mosselbaai, George, Oudtshoorn en Knysna," het hy gesê.
Volgens Baartman gaan die unie kyk hoe die belangstelling die jaar is voor hulle besluit of die sewes klubrugby volgende jaar weer aangebied sal word.
Vir die Karoostreek is die klubs is in drie groepe verdeel.
- Bridgton-sportterrein 10:30 - 17:27:
- Bridgton, Spring Roses, Harlequins, Oudts-hoorn, Calitzdorp, All Blacks en DKD
- Beaufort-Wes-sportterrein 12:30 - 17:27:
- Willing Hearts, Beaufort-Wes, Gamka, Kango United, Dysselsdorp en Collegians
- Uniondale-sportterrein 12:30 - 17:27:
- Uniondale, Willowmore, Swings, Glen
- Roses, Young Leaves en Adias.
'Ons bring jou die nuutste Oudtshoor, Klein Karoo nuus'
