OUDTSHOORN NUUS - Die Wes-Kaap pad- en tydtoetskampioenskappe is verlede Saterdag en Sondag by Kobus se Gat, as deel van die Oudtshoorn-sportfees aangebied.
Dit is die tweede agtereenvolgende jaar dat die Volstruisdorp gasheer speel vir die byeenkoms en dit is beslis ook `n pluimpie vir beide die dorp en diegene wat reëlings moes hanteer, aangesien die getal deelnemers vanjaar verdubbel het.
Corné Bence, president van Wes-Kaap en Eden Fietsry Assosiasies, het ryers bedank vir hulle teenwoordigheid by die wedren en veral die ryers wat die strawwe 120 km-roete aangepak het.
Bence het ook sy waardering uitgespreek vir die Wes-Kaap se regering, Pedal Power Association en Oudtshoorn-munisipaliteit, waarsonder die byeenkoms nie aangebied kon word nie.
Verskeie Oudtshoorn-ryers het aan die kampioenskappe deelgeneem op 'n baie uitdagende roete wat tot by die Kango-grotte en tot in Matjiesrivier gestrek het. Plaaslike ryers wat deelgeneem en goed presteer het was:
Louis Visser (3de junior man)
Jessica Gerber (2de junior vrou)
Fienie Barnard (1ste veteraan vroue 35-39)
Kobus Barnard (1ste veteraan mans 40-44)
Jeanette Terblanche (1ste veteraan vroue 50-54)
Mike Lombard (1ste veteraan mans 60-64)
Philo Verlaat (1ste gestremde klas C3)
Vicky Scheepers (1ste gestremde klas C4)
Louis Visser (3de junior man)
Jessica Gerber (2 de junior vrou)
Fienie Barnard (1ste veteraan vroue 35-39)
Serfie Serfontein (veteraan mans 40-44)
Mike Lombard (1ste veteraan mans 60-64)
Vicky Scheepers (1ste gestremde klas C4)
Kobus Barnard
Louis Visser (jr)
Fienie Barnard
ARTIKEL: LOUIS VISSER.
'Ons bring jou die nuutste Oudtshoorn, Klein-Karoo nuus'
