OUDTSHOORN NUUS - Verruimingswerk aan hul trofeekas is nodig nadat die Oudtshoorn Vaardigheidskool se toutrekspan verlede Sondag aangewys is as die land se voorste ontwikkelingspan tydens die Suid-Afrikaanse sporttoekenningsfunksie.
Die geleentheid, wat op nasionale televisie uitgesaai is, is by die Sandton-konferensiesentrum aangebied en die skool se personeel kon
skouers skuur met die land se voorste sportlui.
Die skool is reeds aangewys as die SWD se ontwikkelingspan van die jaar, `n toekenning wat hulle daarna ook by die Wes-Kaap-sporttoekennings ontvang het. Op grond van daardie prestasie het die span na die nasio-nale toekenningsfunksie deurgedring.
Olimpiese atlete.
"Toe ons skool se naam as een van die genomineerdes uitgelees word kon ek uiteindelik ontspan," het Block, die week vertel. "Mens voel eintlik baie nederig om in sulke geselskap te wees. Vooraf was daar soveel spanning en afwagting. Daardie oomblik, om te hoor hoe ons skool se naam van daardie verhoog aangekondig word, was vir my genoeg."
Om so `n groot toekenning uiteindelik in ontvangs te kan neem, in dáárdie geselskap, op dáárdie verhoog, is beloning vir baie harde werk.
Toutrek is in 2013 vir die eerste keer as sport by die skool beoefen. Botes en Jordan was twee ywerige groentjie-afrigters met weinig kennis van die sport. Beide het egter in 'n betreklike kort tyd opgang in SWD-toutrekkringe gemaak om as beamptes te kwalifiseer wat op provin-siale vlak diens lewer.
Block het ook die week gesê dat die besonderse toekenning as eerbewys gesien moet word vir die ondersteuning wat `n gemeenskap bied.
"Eerstens is die toekenning bewys van die harde werk wat deur die afrigters en kinders gedoen word. Tweedens moet die erkenning ook gaan aan die groter skoolgemeenskap, ouers, kinders en personeel. Dan wil ek die toekenning ook sien as `n eerbewys aan die groter gemeenskap van ons dorp," het Bloch vertel. "Daar is soveel mense wat oor die afgelope twee jaar bydraes gelewer het en `n groot aandeel hierin het."
Die skool beplan om `n medalje wat die geleentheid gedenk aan elke spanlid te oorhandig.
Die skool se personeel het hul skoolhoof en afrigters Maandag by die George-lughawe verwelkom. Links agter staan Hannes Botes met die trofee. Foto: Franzu Badenhorst
'Ons bring jou die nuutste Oudtshoorn, Klein-Karoo nuus'
