OUDTSHOORN NUUS - Die Oudtshoorn Sportfees is weer op dreef en begin reeds hierdie naweek. Die Oudts-hoorn-munisipaliteit is 'n vennoot in die fees.
"Die Oudtshoorn-munisipaliteit se visie is om Oudtshoorn as die sportmekka van Suid-Afrika te vestig, en ons poog daarom, met die samewerking van departement van sport en kultuursake, om weer die sportfees volhoubaar te maak," sê Aurelia Oliphant, woordvoerder by die Oudtshoorn-munisipaliteit.
Die sportfees skop amptelik vandag (Vrydag 30 Junie) af en duur tot Saterdag 8 Julie.
"Die herlewing van die fees is gerig op ekonomiese ontwikkeling, die jeug asook sport toerisme. Meer as 1 800 deelnemers en beamptes is deel van die 2017 sportfees."
- 30 Junie tot 1 Julie: Oudtshoorn ope skaaktoernooi (sport- en rekreasiegronde)
- 1 Julie: Safa Eden top agt sokkertoernooi (Bongolethu-sportterrein)
- 1 Julie: Eden-distrik netbal ontwikkelingstoernooi (Bridgton-sportterrein)
- 1 Julie: Wes-Kaap jeug rolbal ontwikkelings-toernooi (Oudtshoorn-rolbalklub)
- 1 Julie: Eden-streek amateur bokstoernooi (Oudtshoorn Infanterieskool)
- 2 tot 5 Julie: Wes-Kaap jeug fietsryfees (Oudts-hoorn)
- 8 Julie: Plaaslike domino-klub toernooi (sport- en rekreasiegronde)
- 7 tot 8 Julie: Wes-Kaap baldans uitdunne (De Jager-sportsentrum)
Die uitvoerende burgemeester, Colan Sylves-ter, het sy dank uitgespreek teenoor die departement van sport en kultuursake en die Oudtshoorn-sportraad vir hulle finansiële bydrae tot die 2017 sportfees.
"Die sportfees sal weer 'n jaarlikse instelling op Oudtshoorn wees, wat dan op sy beurt 'n goeie ekonomiese inspuiting vir die dorp te weeg sal bring."
'Ons bring jou die nuutste Oudtshoorn, Klein Karoo nuus'
