SUID-KAAP NUUS - Jaarliks vereer die Eden-sportraad en die Wes-Kaapse departement van kultuursake en sport (DKES) sportpersone wat hulle lewe aan sport toegewy het.
"Nie almal van hulle het die hoogste sport bereik nie – inteendeel, baie van hulle het nie eens buite die dorp se grense gekom nie. Maar in baie gevalle was hulle die legendes van hulle geliefde sportkode.
Hulle was die spanbestuurders, afrigters, busbestuurders (alles in een), hekwagte, het die spanne se sportklere self gewas en het hul eina-inkomste gebruik om die sport aan die gang te hou, in baie gevalle tot die nadeel van hulle gesinne.
Hulle het die fondasie van baie sportkodes, -klubs en self sportfederasies gelê. "Mag hulle nooit vergeet work nie," het Dave van der Walt, sekretaris van die Eden-sportraad gesê.
Van der Walt het gevra of die geseënde sport-administrateurs nog van hulle en hul gesinne weet?"
"Die Eden-sportraad wil graag die publiek versoek om ook 'n rol in die proses te speel om hierdie legendes te identifiseer en die betrokke sportfederasies van diesulkes in te lig. Die Eden-sportraad en DKES gaan weer nominasies aanvra vir legendes-toekennings."
- Persone wat 'n beduidende bydrae tot sport in hulle leeftyd gelewer het, verkieslik ouer as 55 jaar en verkieslik ook afgetree.
- Persone wat as ikone in hulle gemeenskappe beskou word.
- Persone wat 'n rol gespeel het in die ontwikkeling van sport voor 1992.
- Persone wat voorheen nog nie erkenning geniet het nie as gevolg van hulle geslag, ras en geografiese gebied dalk uitgesluit was.
Vir meer inligting of die rapportering van
sulke persone, kan Van der Walt by 082 773 4901 of sportcouncil.eden@gmail.com, gekontak word.
'Ons bring jou die nuutste Tuinroete, Klein Karoo, Hessequa nuus'
