OUDTSHOORN NUUS - Wes-Kaap-fietsry se oner12-span het met die louere weggestap na afloop van die Interprovinsiale fietsry-jeugfees wat vanaf 2-5 Oktober op Oudtshoorn aangebied is.
Hierdie kompetisie vind gewoonlik in Bloemfontein plaas, maar Eden-fietsry is vanjaar aangewys as die gasheer.
Die 4 dae het bestaan uit 3 padfiets- en 4 bergfiets-wedrenne, waar die ryers vir elke wedren punte ontvang.
Die beste ryer, span en provinsie word dan na afloop van die 4 dae aangewys.
• o.10-meisies: Danél de Jager (Mpumalanga)
• o.10-seuns: Francois de Jager (Mpumalanga)
• o.10-meisies: Suveena Arries, (Wes-Kaap: Oudtshoorn)
• o.10-seuns: Ashton Miller, (Wes-Kaap)
• o.14-meisies: Mischka Strydom (Oos-Kaap)o.14-seuns: Stefan Marais (Wes-Kaap)
• o.16-meisies: Kelsey van Schoor (Oos-Kaap)
• Junior dames: Jean-Marie Roelofse (Wes-Kaap: George)
• Junior mans: Louis Visser (Wes-Kaap: Oudtshoorn)
Corné Bence, die Wes-Kaap en Eden Fietsry Assosiasie-voorsitter, het die Pedal Power Association bedank vir hulle borgskap om die fees moontlik te maak.
"Sonder hierdie borgskap en die vrywilligers sou ons nie so ‘n suksesvolle week van fietsry kon aanbied nie," het Bence gesê.
'Ons bring jou die nuutste Oudtshoorn, Klein Karoo nuus'
