OUDTSHOORN NUUS - Clement Rex het Saterdag se individuele Stableford-gholfdag met 'n telling van 41 punte gewen.
Lindi Brill (41 punte) en Jurgens Burger (jr.) (39 punte) was onderskeidelik tweede en derde. Francois Brill (38 punte) en Heinrich Victor (37 punte) was vierde en vyfde.
Die dag se boerpot is gedeel deur Lindi Brill, Burger (jr.) en André Verwey.
Stepfan Pieterse het die prys gewen vir sy naaste aan die pen hou op die agtste putjie.
Woensdag 13 Desember het Jurgens Burger (sr.) met 40 punte die dag se individuele Stableford-gholfdag gewen.
Pretorius (39 punte) was tweede en Lollies van Rensburg (37 punte) derde, Op 'n uittel van 35 punte was Paul Stroebel en Dirk Khun vierde en vyfde.
Burger (sr.), Gideon Badenhorst en Matthew Wilken het die boerpot gedeel. Op die 15de putjie was Pretorius die naaste aan die pen.
Angus Roelfse (8ste putjie), Colin Swigelaar (3de putjie) en Pretorius (15de putjie) het spog tweehoue aangeteken.
'Ons bring jou die nuutste Oudtshoorn, Klein Karoo nuus'
