OUDTSHOORN NUUS - Johann Cornelissen het Woensdag 11 Oktober se Oudtshoorn-gholfklub individuele Stableford-gholfdag met 43 punte gewen.

Drie spelers, Lollies van Rensburg, Terry van Coller en Colin Swiegelaar was op 'n 39 punte uittel in die tweede, derde en vierde plekke.

Willem Burger het met 38 punte die vyfde plek ingeneem.

Die boerpot is deur George Fourie gewen met Van Coller wat 'n naaste aan die pen hou geslaan het.

Nolen Dreyer, Burger, Paul Stroebel en Van Coller het elk 'n spog tweehou geslaan.

Saterdag 14 Oktober het Christo Odendaal met 39 punte gewen. Swiegelaar (38 punte) was tweede.

Rudy Mortlock, Carl-Heinrich Hancke en Jurgen Burger was op 'n 37 punte uittel derde, vierde en vyfde.

Swiegelaar, Daniël Boks en Billy Capel het die boerpot gedeel.

Spog tweehoue is deur Mortlock, Odendaal en Heinrich Victor aangeteken.

'Ons bring jou die nuutste Oudtshoorn, Klein Karoo nuus'