OUSTHOORN NUUS - Die Oudtshoorn plaaslike sokkerliga (OLFA) se A-afdeling stuur af op `n spannende einde met drie klubs wat steeds in `n sterk posisie is om die beker in te palm.
Barcalona van De Rust is in die eerste plek met 59 punte na 23 wedstryde. Kort op hul hakke is die verdedigende kampioene, Bongolethu Stars met 58 punte na 23 wedstryde. Weermag beklee die derde plek, met 55 punte na 22 wedstryde.
Vanaand kom Barcalona om 20:30 teen Super Sport in De Rust te staan.
Môre speel Weermag teen Super Sport, om 13:00 en Bongolethu Stars teen Black Eagles om 17:00, beide in Oudtshoorn.
Sondag sê Bongolethu Stars vir Barcalona Stars die stryd aan. Die wedstryd skop om 13:00 af en word in Oudtshoorn, op die korrektiewe dienste se velde gespeel.
Weermag klop Springbok 5 -2
Bongolethu Stars klop United Stars 4 - 0
Barcalona Stars en Black Eagles 2 - 2
Springbok klop Hot Spurs 11 - 2
United Stars klop Shooting Stars 8 - 2
Bongolethu Stars klop De Rust United 5 - 2
Weermag klop Jonkers United 2 - 0
'Ons bring jou die nuutste Oudtshoorn, Klein-Karoo nuus'
