Update

OUDTSHOORN NUUS - SWD-krieket sal van 11-15 Desember gasheer speel Krieket Suid-Afrika se o.13 nasionale krieketweekwedstryde. 

Wedstryde sal om 09:30 daagliks begin.

Die speelvelde is: Rekreasiegronde (Rec), Hoërskool Oudtshoorn, Langenhoven Gimnasium, Laerskool Wesbank, Bridgton A en B velde (almal op Oudtshoorn), Outeniqua A en B velde en Glenwood House (almal op George).

SWD se o.13-span sal Vrystaat Maandag (op die Rec), KZN Binneland Dinsdag en Oostelike Provinsie Woensdag (op Outeniqua se velde) aanvat.

Wedstrydbepalings:

Maandag 11 Desember
Grens teen Noordelikes (Hoërskool Outeniqua B-veld), Boland teen Limpopo (Glenwood House), Oostelikes teen Noord-Kaap (Hoërskool Oudtshoorn), Vrystaat teen SWD (Rec), Gauteng teen KZN Binneland (Bridgton-sportterrein A-veld), KZN-Kusstreek teen Noord-Wes (Hoërskool Outeniqua A-veld), Zimbabwe teen WP (Langenhoven Gimnasium) en Oostelike Provinsie teen Mpumalanga (Laerskool Wesbank).

Dinsdag 12 Desember
Zimbabwe teen Noordelikes (Bridgton-sportterrein A-veld), WP teen Noord-Wes (Glenwood House), SWD teen KZN Binneland Hoërskool Outeniqua A-veld), Noord-Kaap teen KZN-Kusstreek (Hoërskool Outeniqua B-veld), Mpumalanga teen Limpopo (Rec), Gauteng teen Grens (Langenhoven Gimnasium), Boland teen Oostelike Provinsie (Hoërskool Oudtshoorn) en Oostelikes teen Vrystaat (Laerskool Wesbank).

Woensdag 13 Desember
Grens teen KZN-Kusstreek (Rec), Boland teen Zimbabwe (Laerskool Wesbank), Oostelikes teen KZN Binneland (Bridgton-sportterrein A-veld), Oostelike Provinsie teen SWD (Hoërskool Outeniqua B-veld), Vrystaat teen Noord-Wes (Langenhoven Gimnasium), Gauteng teen Mpumalanga (Glenwood House), Limpopo teen WP (Bridgton-sportterrein B-veld) en Noord-Kaap teen Noordelikes (Hoërskool Outeniqua A-veld).

Donderdag 14 Desember en Vrydag 15 Desember:

Semi-, kwart en eindstryde word gespeel.

'Ons bring jou die nuutste Oudtshoorn, Klein Karoo nuus'