SUID-KAAP NUUS - Die 27-jarige Lloyd Bosman van Nedbank SWD-atletiekklub gaan eerskomende Saterdagoggend die Suid-Kaap se vlag hoog laat wapper by die Twee Oseane-marathon in Kaapstad.
Bosman het Saterdagoggend weer eens sy baasskap in padwedlope in die SWD getoon toe hy Penny Pinchers se 10km-wedloop, wat by Penny Pinchers in Albertstraat in George begin en geëindig het, in 32:33 gewen het.
Die vroue-afdeling is deur die 33-jarige Cecilia Nel van Hartenbos Drawwers in 40:14 gewen. Die wedlope was uiters suksesvol deur die Rainbow-atletiekklub van George aangebied en het 200 atlete gelok.
10km
Ope mans: 1. Lloyd Bosman (32:33), 2. Elfonzo Pieterse (32:47) - beide Nedbank SWD; 3. Donavan Jantjies (33:05) Rainbow-atletiekklub.
Veterane man: Peter Jaehne (37:44) Outeniqua Harriers.
Meester man: Selwyn Losper (34:42) Mosselbaai Harriers.
Grootmeester man: Jan du Toit (46:13) Hartenbos Drawwers.
Junior man: Donavan Jantjies (33:05) Rainbow Atletiekklub.
Ope vroue: 1. Cecilia Nel (40:14), 2. Elize Kloppers (42:30) beide Hartenbos Drawwers; 3. Clarisha Pieterse (42:36) Mosselbaai Harriers.
Veteraan vrou: Elize Kloppers (42:30) Hartenbos Drawwers.
Meester vrou: Marina Coetzee (49:38) Pretoria Marathonklub.
Grootmeester vrou: Diane Duggan (58:51) Melkbos.
Junior vrou: Clarisha Pieterse (42:36) Mosselbaai Harriers.
Die 5 km-pretdraf is oorheers deur die George Hoërskool-atlete, die 16-jarige Christiaan Lingerveldt, Francois Matjalla en Bradley Carelse. Die ope vroue-afdeling is deur die 14-jarige Brittney-Ann Meyer, graad 8-leerder by York Hoër, ingepalm.
Die 13-jarige Bronhille Witbooi, graad 8-leerder by George Hoër, en die 11-jarige Shalanda Barnardo, graad 6-leerder by New Dawn Park, het Meyer gevolg.
'Ons bring jou die nuutste Suid-Kaap nuus'
