SUID-KAAP NUUS - Tweekampatlete is reeds druk aan die oefen vir die volgende seisoen wat vroeg in Oktober in die SWD afskop en tot April aanstaande jaar duur.
In die SWD word vier ligabyeenkomste aangebied asook vier ontwikkelingsklinieke en interprovinsiale byeenkomste. Die byeenkomste roteer tussen George, Oudtshoorn en Mosselbaai.
Die Highgate Volstruisplaas is die amptelike borg van SWD-tweekamp en die tradisionele Highgate Interprovinsiaal waar agt provinsies deelneem, word jaarliks as die Highgate Groter Oudtshoorn Interprovinsiale Tweekampbyeenkoms in Februarie aangebied.
Die algemene jaarvergadering van SWD-tweekamp vind op 11 Oktober op Oudtshoorn plaas en op dieselfde dag word die proewebyeenkoms gehou vir die kies van die SWD-spanne na die OP Interprovinsiaal in Port Elizabeth.
Die SA tweekampkampioenskappe word vanjaar in die Paarl deur Boland-tweekamp aangebied.
Die visie van SWD-tweekamp is om meer as net 'n geleentheid te bied om aan sport deel te neem. Dit streef daarna om vir deelnemers 'n lewenswyse te help skep. Tweekamp bestaan uit swembadswem (50 m of 100 m) en baanhardloop (800 m tot 2 000 m). Vir die nuwe seisoen word beplan om 'n o.8-ouderdomsgroep in te stel met 25 m swem en 400 m hardloop.
Om in aanmerking te kom vir die SA kampioenskappe, moet 'n atleet aan die SWD-kampioenskappe, ten minste een interprovinsiaal en drie liga- of proewebyeenkomste gedurende die seisoen deelneem.
Tweekamp is 'n sportsoort wat geweldig baie bied vir die deelnemer en betrek die hele gesin. Dit is 'n sportsoort wat nie tydgebonde is nie en daar is deelnemers wat tot 80 jaar oud word.
Vir navrae kan Dave van der Walt by 082 773 4901 gekontak word.
Datumlys
1 - OVS Interprovinsiaal (Bloemfontein).
11 - SWD Proewebyeenkoms 18:00 (Oudtshoorn). SWD tweekamp AJV 16:00 EDSA Raadsaal (Oudtshoorn).
22 - OP Interprovinsiaal (A & amp; B-spanne) (Port Elizabeth).
November:
2 - Ontwikkelingskliniek 15:00 (Saasveld).
12 - GW Interprovinsiaal (Kimberley).
Januarie 2017:
17 - SWD Doubles-byeenkoms 18:00 (Oudtshoorn).
24 - SWD Proewebyeenkoms 17:00 (Oudtshoorn).
Februarie:
4 - Highgate Interprovinsiale Tweekamp 07:00 (Oudtshoorn).
7 - SWD Liga I 18:00 (Mosselbaai).
14 - Ontwikkelingskliniek (Carpe Diem) 15:00 (George).
14 - SWD Liga II 18:00 (George).
20 - Kapasiteitsontwikkeling (beamptes) 18:00 (Oudtshoorn).
21 - SWD Liga III 18:00 (Oudtshoorn).
28 - Ontwikkelingsbyeenkoms/kliniek (Bridgton) 16:00 (Oudtshoorn).
Maart:
7 – SWD Tweekampkampioenskappe 18:00 (Oudtshoorn).
April:
8 - SA Tweekampkampioenskappe (Paarl).
'Ons bring jou die nuutste Tuinroete, Klein Karoo, Hessequa nuus'
