OUDTSHOORN NUUS - Meiringspoort 21.1km en 10km padwedloop, Saterdag 17 Oktober, bied veel meer as bloot die 21,1 km en 10 km-wedlope waaraan atlete deel kan neem.
'n Volgepakte markiestent sal reeds op Vrydag 16 Oktober vermaak verskaf met die gewilde sanger, Michael Lindt wat musiek sal verskaf. Rugby op 'n grootskerm, braaivleis en slaai sal tot 'n feestelike atmosfeer bydra.
'n Nie-winsgewende organisasie, die Oudtshoorn vrywilligers vir mens en dier, word vanjaar die geleentheid gebied om hulself aan die publiek bekend te stel. Vrywilligers sal 'n stalletjie beman waar besoekers aan De Rust kan aandoen om meer oor die organisasie se werksaamhede te leer. 'n Klein pakkie van Jock se hoë-kwaliteit hondekos in atlete se geskenkpakkies kan aan die Vrywilligers geskenk word.
Daar word ook jaarliks uitgesien na die NG Kerk De Rust se kerkbasaar wat saam met die marathon aangebied word. Liplekker-lekkernye uit die hart van die vriendelike plattelandse dorpie word met oorgawe geniet. Die reuk van vars pannekoeke, beskuit, pasteie, ystervarkies, koeke en terte, koeksisters of roosterkoeke sal genoeg wees om die mond te laat water.
Voorafbestellings vir karoolam op die bazaar se gewilde vleistafel, kan by Jacoline Delport, by 044 241 2506 / 079 478 3168, geplaas word. By die Klein Karoo Koffiekroeg kan die ergste dors geles word. Alles is beskikbaar van Vrydag 16 Oktober om 14:00 tot 21:00, en weer op Saterdag 17 Oktober van 05:00 tot 14:00. Daarna kan uitgesien word na die gewilde steak-en-skyfie-ete.
Vanjaar se byeenkoms word geborg deur:
- Klein Karoo Internasionaal
- Klein Karoo Beperk
- Klein Karoo Toyota
- De Rustica Olive Estate
- De Zeekoe Gasteplaas
- JW Saad
- AIFA
- SAB Castle Lite
- J & E Communications
- James King & Badenhorst Prokureurs.
Lees 'n verwante artikel: Substitutions for Meiringspoort Marathon
'Ons bring jou die nuutste Oudtshoorn, Klein-Karoo nuus'
