OUDTSHOORN NUUS - Patrick Peters en Bernice van der Merwe was Saterdag onderskeidelik die eerste man en vrou by die eindstreep in die 183 ste Oudtshoorn-parkrun by die Surval-olyflandgoed.
Peters en Thys Jamneck het tot kort voor die einde mekaar opgedreun voordat Peters skroewe aangedraai en Jamneck met byna 'n minuut geklop het.
Melvin Lukas was derde en Newald Groenewald wat Saterdag se 181 ste keer deelgeneem het, in die derde plek met die veteraan, Henry Carstens in die vierde plek.
Die 11-jarige Arrie van der Merwe was met 'n tyd van 32 minute die eerste junior.
Altesaam 81 drawwers en stappers het Saterdag deelgeneem.
Bernice van der Merwe Foto: Garnett Wicomb
Tye van die voorstes was soos volg:
- Patrick Peters (20:07),
- Thys Jamneck (21:01),
- Melvin Lukas (21:49),
- Newald Groenewald (22:51),
- Henry Carstens (23:42),
- Hans Lareman (24:20),
- Albertus Kennedy (24:06),
- Bernice van der Merwe (25:08),
- Christo Theart (26:04),
- Laetitia Wolmarans (26:22) en
- Rozanne Theart (26:23).
'Ons bring jou die nuutste Oudtshoorn, Klein Karoo nuus'
