“Sy is kritiek maar stabiel. Haar hartklop lyk goed maar haar koors is hoër,” het ’n vriendin, Lindi Calitz Dinsdagoggend aan Rekord gesê.
Belinda Louw is Saterdag deur ’n motor getref by ’n motorwassery op die hoek van Johan Heyns en Ben Swartstraat in die Moot.
Haar baba sou hierdie week gebore word.
‘n Ingeligte bron het vertel dat een van die werknemers by die onderneming met ’n motor bo-oor Louw gery het.
“Dit lyk of die werker nie geweet het hoe om die voertuig se outomatiese ratkas te hanteer nie. Die motor het vorentoe geskiet – bo-oor die vrou en vas in ’n Wendyhuis op die perseel.”
’n Bestuurder by die onderneming, Edian van As, sê ’n interne ondersoek duur voort.
Polisiewoordvoerder Kaptein Coba Brits sê: “Tot dusver word ’n saak van roekelose en nalatige bestuur teen die werker ondersoek.”
’n Bestuurder by die onderneming, Edian van As, sê ’n interne ondersoek duur voort.
Polisiewoordvoerder Kaptein Coba Brits sê: “Tot dusver word ’n saak van roekelose en nalatige bestuur teen die werker ondersoek.”
