Belinda Louw (35) is deur ‘n motor getref by die onderneming op die hoek van Johan Heyns en Ben Swartstraat en is met ernstige beserings na die hospitaal gehaas.
Sy het haar eerste kind verloor wat hierdie week gebore sou word en is in ‘n kritieke toestand.
Louw, wat haar motor na die wassery gebring het, het buite gewag toe dit gebeur.
‘n Ingeligte bron vertel Louw het op ’n stoel gesit toe een van die motorwassers in ’n voertuig bo-oor haar ry.
“Dit wil voorkom of die werker nie geweet het hoe om ’n automatiese motor te bestuur nie. Die motor het vorentoe geskiet – bo-oor die vrou en vas in ’n Wendyhuis op die perseel,” sê ’n dié bron.
