OUDTSHOORN NUUS - Altesaam 90 motors van Oos-Londen, Port Elizabeth, Knysna, George, Oudtshoorn, Mosselbaai, Bredasdorp, Worcester, Kaapstad, Malmesbury en Bloemfontein het Saterdag deelgeneem aan die jaarlikse Richard Griesen Klein Karoo Kampioenskap van die Oudtshoorn-motorklub.
Meer as 1 800 toeskouers het die byeenkoms bygewoon.
"Dit is Saterdag weer bewys dat motorrenne die sportsoort is wat op Oudtshoorn die meeste toeskouers lok," sê die voorsitter van die motorklub, Dirk van der Westhuizen.
Volgens Van der Westhuizen was die byeenkoms weer 'n reusesukses danksy die goeie ondersteuning van die publiek, ideale weer en opwindende renne.
Frederick Verwey en Juan Heunis wat onderskeidelik tweede en derde plekke losgery het in die ontwikkelingsklas het die beste gevaar van die Oudtshoorn-ryers.
Die volledige uitslae van die eerste drie plekke in elke afdeling is as volg:
Heavy metals: 1 André le Roux (Mosselbaai), 2 Jacques Odendaal (Robertson), 3 Waldo Oosthuizen (George)
1660 Klas: 1 Daan de Waal (George), 2 Marius Vos (Kaapstad) 3 André Fouche (Knysna)
Midgets: 1 Anco Jordaan (Kaapstad), 2 Gerhard Slabber (Bloemfontein), 3 Ruan Slabber (Bloemfontein)
Super midgets: 1 Anton Lloyd (Kaapstad), 2 Tol Hanekom (Kaapstad), 3 André Lotze (Kaapstad)
Hitsmotors: 1 Han-Koch Brand (Malmesbury), 2 Llewellyn Kotze (Worcester), 3 Hank Els (Worcester)
Gemodifiseerde agt silinders: 1 Pieta Victor (PE), 2 Marius Combrinck (Mosselbaai), 3 Corné Martin (Mosselbaai).
2.1's: 1 Hendricus Botha (Beaufort-Wes), 2 Cristo Kotze (Paarl), 3 Jody van Zimmeren (Oos-Londen).
'Ons bring jou die nuutste Klein Karoo, Hessequa, Tuinroete nuus'
