OUDTSHOORN NUUSFLITS - Die aansoek van twee senior weermagoffisiere om in 'n militêre hof en nie in 'n siviele hof, verhoor te word nie, is Donderdag hier in die streekhof van die hand gewys.
Streeklanddros Mark van Wyngraadt het in sy uitspraak gesê hy stem nie saam met die redes wat die twee beskuldigdes, genl. Xolani Mankayi, voormalige bevelvoerder van die Oudtshoorn Infanterieskool, en kol. Nkhabu Nthejane, die huidige bevelvoerder, se regsverteenwoordiger, adv. Joey Moses, voor die hof gebring het nie.
Mankayi en Nthejane staan tereg op aanklagte van intimidasie en dat hulle die polisie in die uitvoering van hul pligte gekniehalter het.
Volgens die landdros beskik die siviele hof wel oor die jurisdiksie om die saak aan te hoor aangesien dit nie gaan oor 'n oortreding wat in die militêre basis plaasgevind het nie.
Klik hier vir vorige artikels:
- Weermag hoës wil militêre hof toe
- Senior offisiere se saak uitgestel
- Offisiere se saak tot 2016 uitgestel
- Twee in hof vir intimidasie
'Ons bring jou die nuutste Oudtshoorn, Klein Karoo nuus'
