OUDTSHOORN NUUS - "Waterbeperkings is steeds van toepassing in Oudtshoorn," so sê Aurelia Mle, woordvoerder van die Oudtshoorn-munisipaliteit op 'n navraag van Oudtshoorn Courant.
Dit ten spyte van die onlangse goeie reën wat Oudtshoorn gehad het.
Volgens Mle is die enigste verandering wel die besproeiing van tuine met munisipale drinkwater tussen 06:00 en 09:00 en tussen 16:00 en 19:00 op twee dae per week toegelaat.
- Ewe-genommerde huishoudings Maandae en Donderdag
- Onewe-genommerde huishoudings Dinsdae en Vrydae
Inwoners mag ook van 'n tuinslang of sprinkelstelsel gebruik maak.
Die gebruik van munisipale drinkwater om tuine mee nat te maak in Dysselsdorp, De Rust en die Klein-Karoo Landelike Waterskema is steeds verbode.
Die volgende skakels bevat meer inligting rondom wat waterbeperkings verbied en toelaat:
- http://www.oudtshoorn.gov.za/wp-content/uploads/2022/12/2023-03-27_Level-4B-restrictions.pdf
- http://www.oudtshoorn.gov.za/wp-content/uploads/2022/12/LEVEL-6-SEVERE-WATER-RESTRICTIONS.pdf
‘Ons bring jou die nuutste Tuinroete, Hessequa, Karoo nuus’
