OUDTSHOORN NUUS - Die Oudtshoorn-munisipaliteit se sportfees is propvol aksie met onder meer Fietsry Suid-Afrika se jeugfees wat in en om die dorp plaasgevind het.

Volgens Corné Bence, bekende in Oudtshoorn fietsrykringe en Wes-Kaapse fietsryvoorsitter, was daar meer as 150 fietsryers betrokke by die byna week lange fees.

Op Donderdag 13 Julie het deelnemers aan die Cross Country-kategorie van die fees deelgeneem, wat net buite Oudtshoorn rondom die plaaslike RedRock Raceway-ovaalbaan plaasgevind het.

Jong fietsryers vanoor Suid-Afrika het in vyf verskillende ouderdomsgroepe deelgeneem.

Wes-Kaapse minister van kultuursake en sport, Anroux Marais, was by hierdie spesifieke geleentheid teenwoordig om medaljes te oorhandig.

Minister Anroux Marais saam met die o.15-dogters-kategorie se topdrie; oorheers deur die Eden-span. Foto's: Stefan Goosen

‘Ons bring jou die nuutste Tuinroete, Hessequa, Karoo nuus’