Die fietstoer is geïnisieer en word gelei deur Dokter Tertius Venter, stigter van die Cycle Miles for Smiles-veldtog, wat gebruik maak van fietstoere om bewustheid te kweek en fondse in te samel vir die arm gemeenskappe wat nie basiese toegang tot mediese- en chirurgiese sorg het nie.
Dr. Venter, 'n Suid-Afrikaanse plastiese en rekonstruktiewe chirurg, het sy roeping as 'n permanente vrywilliger aan boord van die nuutste toevoeging van die Mercy Ships vloot van rondgaande hospitale, die Afrika Mercy Ship gevind.
Oor die jare het hy duisende kilometers per fiets deur verskeie lande gery om fondse in te samel om mense wat nie mediese sorg kan bekostig nie, te help.
Die Cycle Miles for Smiles, Capital-to-Capital het op 2 November by die Wonderboom Lughawe in Pretoria begin en eindig op 15 November in Kaapstad.
Dr. Venter en sy span bied more (Vrydag 11 November) ‘n opvoedkundige praatjie aan by Langenhoven Gimnasium, waarna hulle na Ladismith vertrek en ‘n roete deur Swellendam en Hermanus na Kaapstad volg.
ARTIKEL & FOTO: CHRISTO VERMAAK, OUDTSHOORN COURANT-JOERNALIS
'Ons bring jou die nuutste Oudtshoorn, Klein Karoo nuus'
