OUDTSHOORN NUUS - Konstruksiewerk wat veronderstel was om op 25 Oktober by die De Jager-sportkompleks te begin, is na 1 Maart volgende jaar uitgestel.
Hierdie besluit is geneem nadat besprekings met sportorganisasies, skole en betrokke organisasies dit beklemtoon het dat die opgraderingswerk 'n negatiewe impak op die atletiekseisoen op hande sal hê.
Die opgraderingswerk sal na beraming R9 miljoen kos. Volgens Aurelia Mle, woordvoerder van die Oudtshoorn-munisipaliteit, sal die konstruksiewerk die herstel van die ovaalatletiekbaan en spreiligte insluit.
Daar is 'n moontlikheid dat die spreiligte gedurende hierdie atletiekseisoen opgerig kan word vir byeenkomste wat in die aand plaasvind.
Die kontrakteur, Martin & East het ingestem om die konstruksiewerk met vier maande uit te stel teen geen ekstra koste vir die munisipaliteit nie.
'Ons bring jou die nuutste Oudtshoorn, Klein Karoo nuus'
