Die groep is volgens uitvoerende bestuurder, Salome Combrink, ware ambassadeurs vir Oudtshoorn en die Klein Karoo, en het al veral deur die hele Wes-Kaap, maar ook nasionaal, 'n huishoudelike naam geword.
“Kambro Diggers is ‘n unieke teatergeselskap wat in 2006 tot stand gekom het en sover vasgestel kon word, die enigste voltydse Afrikaanse plattelandse teatergeselskap in Suid-Afrika.”
Volgens Combrink het die groep as ‘n ontwikkelingsprojek ontstaan, maar gegroei tot ‘n professionele groep kunstenaars wat die uitvoerende kunste as voltydse beroep beoefen.
Hulle het deur die jare groot lof ingeoes by die jaarlikse KKNK, asook vir die opvoedkundige teaterproduksies wat hulle so ver as die Weskus en Kaapse Wynlande op aanvraag aanbied.
Lees meer in môre se Oudtshoorn Courant, asook aanlyn.
'Ons bring jou die nuutste Oudtshoorn, Klein Karoo nuus'
