OUDTSHOORN NUUS - Kinders by Oudtshoorn se enigste kinderhuis vir seuns, ACVV Huis Triomf, was Vrydag, 27 November, baie opgewonde toe elkeen 'n geskenkpakkie ontvang het.
Die geskenkpakkies is deur DAWN, die vroue netwerk van die DA aan die kinders oorhandig. Die voorsitter van die bestuurskomitee van Triomf, Alie Killian, het gesê hy dink nie mense besef watter groot behoefte daar by die kinders bestaan vir aanvaarding en liefde nie.
"Soms is net 'n vriendelike woord of 'n drukkie genoeg om hulle dag te maak."
Die kinderhuis kan 30 kinders akkommodeer wat deur maatskaplike dienste en die kinderhof verwys word. Volgens Killian is die geskenkpakkies van die DA een van die ingrypings wat die kinders se lewens verhelder.
Alhoewel hulle 'n subsidie van die staat kry is daar steeds groot nood by die sentrum en lede vna die gemeenskap word gevra om betrokke te raak op enige wyse waarop hulle kan.
Tel nr: 044 272 3234
Faks nr. 044 272 2550
Sel nr.: 060 699 5316
Epos Adres: triomfccc@mweb.co.za
'Ons bring jou die nuutste Oudtshoorn, Klein Karoo nuus'
