OUDTSHOORN NUUS - Met 'n hele skooljaar wat voorlê rus 'n groot taak op leerders en ouers om te verseker dat die skooljaar geslaag sal word.
In gesprekke met verlede jaar se matriekpresteerders het hulle redes vir hulle sukses en prestasie gegee en dieselfde redes kan as wenke vir ouers en leerders in alle grade dien.
- Woon die skool getrou by.
- Let op in die klas, luister en maak aantekeninge.
- Vra die onderwyser indien dele van die werk onduidelik is.
- Spandeer ekstra tyd aan vakke wat moeilik is.
- Maak seker dat huiswerk en opdragte op dieselfde dag gedoen word waarop dit ontvang is - moenie uitstel nie.
- Doen moeite met take wat ingehandig moet word en doen ekstra navorsing.
- Beplan ure na skool om buitemuurse aktiwiteite en studie volgens 'n rooster te doen.
- Leerders moet 'n plek by die huis benut waar hulle ongestoord huiswerk kan doen.
- Begin vroegtydig vir toetse en eksamens voorberei.
- Ouers moet op hoogte bly met die skoolprogram - woon oueraande en vergaderings by.
- Ouers kan hulle kinders motiveer met positiewe opmerkings en ondersteuning.
- Ondersteuning beteken nie ouers moet opdragte en take namens leerders doen nie.
'Ons bring jou die nuutste Oudtshoorn, Klein Karoo nuus'
