EDEN-DISTRIKSNUUS - Volgens Gerhard Otto, bestuurder van Eden-rampbestuur, het die Tuinroete hierdie jaar tussen Julie en September beduidend minder reën ontvang in vergelyking met dieselfde tydperk verlede jaar.
Hierdie laer reënval word ook gereflekteer in die damvlakke van damme in die Gouritz opvanggebied wat deur die departement van water en sanitasie bestuur word.
Volgens 'n persverklaring wat verlede week deur die Eden-distriksmunisipaliteit uitgereik is, is die totale beskikbare water in die damme van die departement water en sanitasie tans op 37,12% vergeleke met 62,13% vir dieselfde tydperk in 2015.
Dit blyk dat damme wat huishoudelike water (vir dorpe) in die Eden-gebied voorsien nog redelik vol is, maar vlakke van damme wat vir landbou gebruik word is baie laag.
Volgens Otto was die damvlakke van Eden se groot damme op 7 November soos volg:
Duiwehoksdam 98,67 (100,51% 2015)
Korente Vetdam 96,96% (100,38% 2013)
Hartebeeskuildam 53,22% (88,5% 2015)
Klipheuweldam 93,41% (88,37% 2015))
Ernest Robertsondam 101,09% (100,95% 2015)
Wolwedansdam 96,81% (100.1% 2015)
Tuinroetedam 73,61% (100% 2015)
Haarlemdam 68,97% (100,95% 2015)
Roodefonteindam 99, 68% (101,58% 2015)
Kammanassiedam vir besproeiing 29,40% (99,9% 2015)
Stompdriftdam vir besproeiing 25,75% (56,06% 2015)
Raubenheimer- en Melvilledam 100 %
Calitzdorpdam 83,25% (100% 2015)
'Ons bring jou die nuutste Klein Karoo, Hessequa, Tuinroete nuus'
