DE RUST NUUSFLITS - De Rust en Blomnek was hierdie naweek weer sonder water.
Volgens Aurelia Oliphant, woordvoerder van die Oudtshoorn-munisiapliteit, was dit as gevolg van ‘n pyp wat Saterdagoggend gebreek het.
Sy het bygevoeg dat hulle water van ‘n boer se plaas af kry, maar is die water slegs deur die week beskikbaar.
“Aangesien die munisipaliteit nie naweke water vanaf hierdie bron verkry nie, was De Rust en Blomnek weereens sonder water hierdie naweek.
Saterdagoggend, 21 Januarie, was daar ‘n pyp wat gebreek het by die kooperasie in De Rust en baie water wat dus beskikbaar was, het daar uitgeloop wat een van die redes is vir die min of geen water in De Rust,” het sy gesê.
Volgens haar is al drie die reservoirs op die oomblik leeg maar die verstopping in die munisipaliteit se pyplyn is herstel en altwee pyplyne lewer op die oomblik water aan die De Rust reservoir.
“Die pypnetwerk in De Rust sal eerste gevul word terwyl die surplus water die reservoir se vlak sal laat styg. Sodra die vlak in die reservoir voldoende is, sal die water opgepomp word na Blomnek. Ongelukkig is dit ‘n stadige proses en sal Blomnek eers vanaf 20:00 vanaand water begin hê. Die water is nog steeds nie geskik vir drink nie maar kan gebruik word vir was en vir die spoel van toilette.”
Die burgemeester, Rdh Colan Sylvester vra dat inwoners van De Rust en Blomnek asseblief nie die water drink nie.
Sylvester bedank weereens individue en besighede wat water skenk en vra dat terwyl hierdie krisis nog op hande is, hulle harte nog steeds oop moet wees vir die inwoners van De Rust en Blomnek deur aan te hou met die waterskenkings.
Klik hier vir vorige artikels:
- De Rust-waterkrisis: Reën kan dinge vererger
- Waterskenkings stroom in vir De Rust
- De Rust nog tot volgende week in waterkrisis
- Nòg water vir De Rust
- De Rust steeds in waterkrisis
- Opvolg: Waterkrisis in De Rust
- Skenkingswater stroom na De Rust
- Vergadering in De Rust oor water
- Museum help De Rust met water
- Shoprite skenk water vir De Rust
- Skenk water vir De Rust
- Opvolg: Water vir De Rust
'Ons bring jou die nuutset De Rust, Klein Karoo nuus'
