CALITZDORP NUUS - Om 'n boek te skryf is redelik maklik, om egter een te skryf wat die moeite werd is om deur 'n uitgewer aanvaar te word, is 'n ander saak. So het die skrywer Lynne Lexow, verlede Saterdagmiddag met die bekendstelling van Brenda van der Westhuizen se debuutpublikasie, Son, See en Saffier, gesê.
Van der Westhuizen se bundel, Son, See en Saffier, met outobiografiese vertellings, resepte en foto's is hierdie maand deur Naledi uitgegee en is Saterdag by Die Bakhuis in Calitzdorp bekendgestel.
Van der Westhuizen sê sy het aanvanklik nie beplan om 'n boek uit te gee nie, maar een van haar vertellings oor Gansbaai het oor die Kersseisoen in die gemeenskapskoerant in Gansbaai verskyn en is vir 'n aantal weke as 'n vervolgverhaal gepubliseer.
Son, See en Saffier is by boekwinkels beskikbaar of kan direk by Brenda van der Westhuizen by 071 678 4292 bestel word.
Lees meer in Oudtshoorn Courant en aanlyn
Brenda van der Westhuizen teken 'n kopie van haar boek vir Mari Bester.
'Ons bring jou die nuutste Oudtshoorn, Klein Karoo nuus'
