OUDTSHOORN NUUS - Die Oudtshoorn-munisipaliteit het ‘n bus beskikbaar gestel vir inwoners van Dysselsdorp wat graag môre die begrafnis van oud-burgemeester, James Swigelaar wil bywoon.
Die bus vertrek 07:00 vanaf die Dysselsdorp-gemeenskapsaal.
Swigelaar se begrafnis is môre om 10:00 by die Rooms-Katolieke Katedraal in Baron van Reedestraat. Daar sal ook om 09:00 ‘n diens by die huis in Merwestraat 7 wees.
Swigelaar is verlede Woensdagoggend volgens sy seun, James William, aan 'n hartaanval oorlede.
Dié gewilde voormalige burgemeester is op 5 Februarie 1947 in Draaistraat, Noord-Einde op Oudtshoorn gebore. Hy het aan die Hoërskool Môrester gematrikuleer en sy onderwysopleiding aan die destydse Onderwyskollege Suid-Kaapland (OKSK) ontvang.
Hy was van 1984 tot 1994 parlementslid in die destydse Raad van Verteenwoordigers onder die vaandel van die Arbeidersparty en in 2001 en 2002 burgemeester van Oudtshoorn.
Hy was baie betrokke in sy gemeenskap en het hom die laaste jare beywer om inwoners wat destyds as gevolg van die groepsgebiedewet verskuif is met hul grondeise te help.
Hy was van 1984 tot 1994 parlementslid in die destydse Raad van Verteenwoordigers onder die vaandel van die Arbeidersparty en in 2001 en 2002 burgemeester van Oudtshoorn.
Hy was baie betrokke in sy gemeenskap en het hom die laaste jare beywer om inwoners wat destyds as gevolg van die groepsgebiedewet verskuif is met hul grondeise te help.
'Ons bring jou die nuutste Oudtshoorn, Klein Karoo nuus'
