OUDTSHOORN NUUS - Die voormalige burgemeester van Oudtshoorn Gordon April, wie se aansoek om teen sy skuldigbevinding en vonnis te appelleer misluk het, was Maandag weer in die hof in 'n poging om op borgtog vrygelaat te word.
Sy nuwe regsverteenwoordiger van Kaapstad het ook die hof gevra dat beriggewing oor April se saak moet stop, maar die aansoek is deur die hof geïgnoreer.
Die regsverteenwoordiger het die hof versoek om die borgtogaansoek aan te hoor in afwagting op 'n beslissing van die hooggeregshof ten opsigte van 'n petisie teen die weiering om appèl van streeklanddros Mark van Wyngaardt.
Die staatsaanklaer, Tommy Verreyne, het egter die versoek teengestaan omdat die hof volgens hom nie oor die jurisdiksie beskik om 'n borgtogaansoek aan te hoor terwyl daar gewag word op 'n beslissing van 'n hoërhof nie.
April se regsverteenwoordiger het nie hiermee saamgestem nie en met verwysing na verskeie ander sake betoog dat die hof wel oor die jurisdiksie beskik.
Die landdros het egter beslis om nie die aansoek aan te hoor nie en bygevoeg dat hy in elk geval nie sien waarom hy nou van besluit sal verander nie. Hy glo steeds dat 'n ander hof nie tot 'n ander beslissing sal kom nie.
Klik hier vir vorige aritkels:
- April doen weer aansoek om borgtog
- April se aansoek om appèl geweier
- Oudburgemeester se appèlaansoek geweier
- Oudburgemeester se appèl wéér uitgestel
- April moet nog 'n week wag
- Oudburgemeester se appèl weer uitgestel
- Opvolg: Oudburgemeester bly in aanhouding
- Opvolg: Oudburgemeester kry tronkstraf
- Oudburgemeester môre in hof vir appèl
- Oudburgemeester bly in aanhouding
- Voormalige burgemeester gaan tronk toe
ARTIKEL: GARNETT WICOMB, OUDTSHOORN COURANT-KORRESPONDENT
'Ons bring jou die nuutste Oudtshoorn, Klein Karoo nuus'
