OUDTSHOORN NUUS - Chelsea van Coller, student van die Universiteit van Kaapstad, het hierdie besondere gebeurtenis baie goed beplan toe sy vroeër die jaar hoor dat die Meiringspoort-halfmarathon vanjaar saam met haar 21ste verjaarsdag val.
Sy het haar eerste halfmarathon voltooi - selfs nadat sy by elke kilometermerk 'n storietjie oor daardie lewensjaar vir haar drafmaat, Jans Rautenbach (20), vertel het.
Chelsea en haar vriende van Kaapstad het haar mylpale Saterdagaand met vonkelwyn (en haar ma se sjokoladekoek) op Oulap buite De Rust gevier.
'Ons bring jou die nuutste Oudtshoorn, Klein Karoo nuus'
