OUDTSHOORN NUUS - Francois Brill is 'n man wat elke aand van sy lewe 'n vuur aansteek en omtrent elke keer braai.
Hier is die spyskaart vir sy Braaidag-ete.
Die ete is sappige toegevoude lamstjops saam met roomaartappels met gekaramaliseerde uie en 'n spinasieslaai.
1 eetlepel kookolie,
4 skaaptjops,
2 groot uie gekap,
3 tamaties geskil en gekap,
2 eetlepels vrugteblatjang
12 takkies tiemie
Sout en peper na smaak
1 rol tinfoelie
Sny vier stukke foelie wat groot genoeg is vir elke tjop. Skep die sous op elke stuk foelie, sit tjop op die sous en sit drie takkies tiemie op die tjop voor hy toegedraai word. Braai die vier tjoppakkies op stadiger kole vir 20 minute en draai hulle gereeld om.
30 ml olyfolie
2 rooi uie gekap
30 ml balsamiese asyn
30ml bruin suiker
6 groot aartappels, geskil en in fyn snye gesny
Sout en swart peper na smaak
500 ml room
250 ml gerasperde parmasaankaas
2 teelepels paprika
Voorverhit die oond tot 220°. Terwyl die oond warm word braai die uie in olie oor matige hitte tot sag. Voeg balsamiese asyn en suiker by en braai tot dit karamaliseer.
Spuit 'n oondbak met smeermiddel soos Spray n Cook en pak 'n laag aartappels in die bak. Sprinkel sout en peper na smaak oor. Bedek aartappels met laag gerbraaide uie. Herhaal die lae, maar eindig met 'n laag aartappels. Gooi room oor en sprinkel die gerasperde parmesaankaas en parika oor.
Bak in die oond vir ongeveer 40 minute tot bruin.
750 g babaspinasie
250 g gekapte sampioene
1 groot rooi ui gekap
100 ml blatjang
100 ml mayonnaise
3 teelepels komyn (cumin)
Meng blatjang, mayo en komyn saam in beker. Plaas spinasie, sampioene en rooi ui in slaaibak en giet die sous oor. Meng goed sodat spinasie krimp.
Jenewer (Gin) met komkommer en suurlemoen om te geniet voor of tydens die ete.
25 ml genever (1 shot)
1 komkommer
1 suurlemoen
250 ml Tonic
Ys
Neem 'n groot wynglas en sit die komkommerrepies onder in die glas met die suurlemoenskywe bo-op en bedek met ys. voeg Jenewer en Tonic by en roer goed. Geniet 'n heerlike verfrissende drankie en herhaal na smaak.
Volgens Francois is die ideale wyn saam met die eter, een uit ons kontrei; Karusa se Chenin/Sauvignon Blanc 201.
'Ons bring jou die nuutste Oudtshoorn, Klein Karoo nuus'
