Van Vrydag 7 tot Sondag 16 Augustus kan jy kom kyk, luister en proe – want kursusse in onder meer kookkuns en speserye, juweliersvervaardiging, ystersmeewerk, interieurontwerp, kameravaardigheid en fotogehalte en mosaïekwerk word aangebied.
Maar jy kan tien dae lank ook net rustig terugsit en luister na kundiges oor onderwerpe soos kalligrafie en poësie, die kuns van stories vertel en van filmvervaardiging, oor die geologie en geskiedenis van die omgewing, die natuurskoon en voëllewe in en om Prins Albert. Of klim op die dorp se beroemde “rooi bus” met jou kamera in die hand en geniet die dorp, sy mense, die omgewing en veral die Swartberg.
Volgens Di van der Riet-Steyn, konvenor van die Winterskool is dit die vierde winterprogram van kuns en kennis wat die dorp bied. “Dit trek toeriste, maar gee ook die kundiges van die dorp – van wie hier talle is – ’n kans om hul kennis te deel. Dis ’n lekker ontspantyd! Jy kan kies waarvan jy hou, waarin jy belangstel, waaraan jy wil deelneem.
Die Winterskool is Prins Albert se manier om mense van buite te trek, om te sorg dat ons ál twaalf maande van die jaar besoekers hierheen lok."
Bykomende ontspanningsgeleenthede is aanbiedings by The Showroom Theatre (Saterdag 8 Augustus – André die hipnotiseur); die NG Kerk-potjiekosaand (7 Augustus) en NG Kerk-basaar (Saterdag 8 Augustus); en die kunsgalery, Prince Albert Gallery, se jaarlikse, baie gewilde 30cmx40cm-kunsveiling (8 Augustus); ’n ‘boules’-braai-en-boereworsroldag ten bate van Prins Albert Dieresorg (9 Augustus); asook ’n aanbieding van Leandie Buys, op Vrouedag (9 Augustus), in The Showroom. Die titel van haar aanbieding is “The secret of the sexes”.
Besprekings: Besoek http://www.paonline.biz/tickets vir aanlyn-besprekings en meer inligting. Faks jou bespreking na 086 243 6462 of skryf ’n e-pos aan winterschool@paonline.biz
Besoek www.princealbert.org.za/forthcoming/winterschool2015 om die volledige program, met kostes en tye, af
te laai.
Hier is slegs vier van die meers as 20 inwoners wat as aanbieders tydens die winterskool optree.
Ria Steyn ('High tea' in die tuin)
Hendry Olivier (sjokoladekuns en fyngebak)
Di van der Riet-Steyn ((juweliersontwerp);
ARTIKEL: MARLENE MALAN
'Ons bring jou die nuutste Prins Albert, Klein-Karoo nuus'
