TUINROETE NUUS - Altesame R15 000 is deur medemotorfietsryers, vriende en familie vir Marnus 'Ysbeer' van Rooyen se mediese koste die naweek ingesamel.
Van Rooyen het onlangs by die dood omgedraai nadat hy met bosluiskoors gediagnoseer is. Hy herstel tans in die Groote Schuur-hospitaal se hoësorgeenheid.
Van Rooyen se ondersteuners het vroeg Saterdagoggend, 22 Augustus, in George bymekaargekom van waar hulle 'n dagroete na Meiringspoort op hul ysterperde aangepak het.
Volgens Van Rooyen se vrou, Francétte is haar man al meer as 47 dae gehospitaliseer nadat hy septicaemia en nierversaking opgedoen het. Hy moes ook twee hartoperasies ondergaan.
Lees meer in môre se Oudtshoorn Courant, asook aanlyn.
'Ons bring jou die nuutste Tuinroete-distrik nuus'
