SUID-KAAP NUUS - Met matige deurdringende reën wat plek-plek oor die Wes-Kaap neersak, het die 46 hoofdamme in dié provinsie se damvlakke vir die tydperk 12-19 Junie ‘n welkome 1,8% gemiddelde styging in waterinhoud getoon, en stygings word steeds gemeet.
Die Suid-Kaap en Tuinroete se damvlakke toon die nagmerrie statuses wat neig na dolleegstatus.
Met die gemiddelde waterinhoud meer as 20%, waarsku die Wes-Kaapse regering by monde van James-Brent Styan, woordvoerder vir die provinsie se minister van plaaslike regering en omgewingsake, Anton Bredell, dat die waterkrisis steeds kritiek is.
Vyftien van die 46 damme het meer water in opgaararea, maar drie damme (Gamka, Gamkapoort en Prinsrivier) is dolleeg, met nog vier damme (Kammannasie, Miertjieskraal, Floriskraal en Stompdrift) met minder as 10% waterinhoud, Behalwe vir die Prinsrivier- en Miertjieskraaldam is al vyf die ander leë en amper leë damme binne die Suid-Kaap en Tuinroete wateropvangsgebiede.
Pietersfonteindam (0,3%), Roode Elsburg (1,3%), Laer Steenbras (0,7%), Bo-Steebras (5,2%), Stettynskloof (8,6%), Theewaterskloof (2%), Voëlvlei (1%), Bergrivier (3,2%), Buffelsjag (3,9%), Bulshoek (21,1%), Clanwilliam (4,9%), Elandskloof (2,2%), Keerom (3,1%), Calitzdorp (0,01%) en Misverstand (12,9%).
Suid-Kaap / Tuinroete-damvlakke: 19 Junie | 12 Junie
• Akkerkloofdam (Knysna): 33% / 33%
• Calitzdorpdam (Calitzdorp): 28,3% / 28,2%
• Duiwenshokdam (Heidelberg): 56,6% / 58%
• Ernest Robertsondam (Jonkersberg): 36,7% / 38,4%
• Floriskraaldam (Laingsburg): 4,2% / 4,2%
• Gamkadam (Beaufort-Wes): 0% / 0%
• Gamkapoortdam (Ladismith): 0% / 0%
• Hartbeeskuildam (Hartenbos): 21,6% / 22,3%
• Koos Raubenheimerdam (Oudtshoorn): 54% / 54%
• Kammanasiedam (Oudtshoorn): 6% / 6%
• Oukloofdam (Prins Albert): 13,2% / 13,6%
• Mellvilledam (Oudtshoorn): 100% / 100%
• Roodefonteindam (Plettenbergbaai): 56,8% / 57,3%
• Stompdriftdam (De Rust): 5,2% / 5,6%
• Tuinroetedam (George): 55,1% / 56,22%
• Wolwedansdam (Groot-Brakrivier): 79,1% / 79,9%
'Ons bring jou die nuutste Tuinroete, Klein Karoo, Hessequa nuus'
