OUDTSHOORN NUUS - Allen Paulse is verlede week as waarnemende munisipale bestuurder van die Oudtshoorn-munisipaliteit heraangestel.
Volgens Ntobeko Mangqwengqwe, woordvoerder van die munisipaliteit, is die aanstelling op 31 Augustus bevestig tydens 'n vergadering van die raadslede.
Paulse het as munisipale bestuurder opgetree toe die Oudtshoorn-munisipaliteit onder administrasie geplaas is. Hy kon dit egter net deeltyds doen aangesien hy ook by die Bitou-munisipaliteit betrokke was.
Mangqwengqwe het in sy verklaring gesê dat Paulse nie meer by die Bitou-munisipaliteit in Plettenbergbaai betrokke is nie.
"Dit is wonderlike nuus vir die Groter Oudtshoorn en Paulse se aanstelling sal meer stabiliteit in die bestuur bring.
Hy sal nou vyf dae per week in plaas van drie keer beskikbaar wees," het hy gesê.
Hy sal nou vyf dae per week in plaas van drie keer beskikbaar wees," het hy gesê.
Volgens Mangqwengqwe is die pos as munisipale bestuurder reeds geadverteer en het die pos op 26 Augustus gesluit. Die onderhoude sal die maand plaasvind.
Intussen het die vorige waarnemende munisipale bestuurder en direkteur van gemeenskapsdienste, Ronnie Lottering, verlede week bedank.
Lottering is sowat twee maande gelede tydelik uit sy pos geskors hangende 'n interne ondersoek. Die tugverhoor het vroeër die jaar begin, maar na sy bedanking is die verhoor beëindig.
'Ons bring jou die nuutste Oudtshoorn, Klein Karoo nuus'
