hoorn tot stand gekom.
Die sentrum met die akroniem IKHRC (Indi-genous Knowledge and Heritage Research Centre) by Russtraat 29, is Donderdagaand 19 Maart amptelik in gebruik geneem en 'n uitstalling, verskaf deur die provinsiale museumdienste oor die medisinale gebruike van inheemse plante, is geopen.
Die uitstalling sal vir drie maande by die sentrum te sien wees voordat dit met 'n nuwe uitstalling vervang word.
Twee gassprekers het by die geskiedkundige geleentheid hul kundigheid gedeel.
"Sowat 80 % van Suid-Afrikaners gebruik steeds natuurlike medisyne en daarom is dit noodsaaklik dat medisinale plante oordeelkundig en volhoubaar ge-oes word," het Rastafarian Christo Jacobs, natuurlike geneser en horingdraer van die Attakwa-huis, gesê.
Dr. Richard Kutela, kundige oor Suid-Afrikaanse tale en hul geskiedkundige en kulturele invloed op mekaar, het 'n interessante lesing gelewer oor die herkoms van Afrikaans.
"Altesaam 40% van hedendaagse Afrikaans is afkomstig van Khoi," het hy gesê. Plekname wat behoue gebly het is Karatara (Kara=koel, Tara = vloei), Tsitsikamma (tsitsi = donker, kama = water) en Keimoes (kei = groot, moes = oog).
Die Potskerf is een van drie sentrums landwyd wat fokus op die versameling en navorsing van inheemse kulture.
"Die doel met die sentrum is om hierdie kulture na te vors en op te teken en die inligting beskikbaar te stel aan mense wat belangstel daarin," sê Jeremy van Wyk, afgetrede skoolhoof en bestuurder van die sentrum.
Inligtingversameling gaan fokus op:
• mondelinge oorvertelling van kultuurge-skiedenis en gebruike;
• optekening (memory mapping) van geskie-denis in die geografiese gebied van die Suidwes-Kaap en gebiede in die Sentraal-Karoo; en
• argivering van dokumente.
• mondelinge oorvertelling van kultuurge-skiedenis en gebruike;
• optekening (memory mapping) van geskie-denis in die geografiese gebied van die Suidwes-Kaap en gebiede in die Sentraal-Karoo; en
• argivering van dokumente.
Navorsing sal gedoen word in samewerking met die Nasionale Departement van Wetenskap en Tegnologie, Provinsiale Museumdienste, Nasionale Khoisan Raad, en die Khoi-Kultuur-en-Erfenis-ontwikkelingsraad (KCHDC).
Die sentrum se direksie bestaan uit Poem Mooney, stamhoof van die Attakwa-huis, ondervoorsitter van die KCHDC en voorsitter van die Suid-Kaap Khoi Raad wat die stamme in die Suid-Kaap by die Nasionale Khoi Raad verteenwoordig; Peter Stuurman, senior hoofman in die Attakwa-huis, en Jeremy van Wyk, stamhoof van die Outenikwa.
Van Wyk, wat passievol is oor erfenisbewaring, het in 2004 'n spesiale toekenning by die Wes-Kaapse provinsiale departement van kuns en kultuur ontvang vir sy bydrae tot die beskerming van inheemse kennis.
Die sentrum is oop vir opvoeders wat hul beter wil toerus vir die aanbieding van inheemse geskiedenis soos in die sosiale wetenskap-kurrikulum vervat, en vir leerders vir die aanbieding van werkswinkels in plaaslike geskiedenis en natuuruitstappies met 'n Khoi-kultuur en historiese tema van
• Rotskuns en Khoi kulturele spiritualiteit
• Sosiale samehorigheid
• Suid-Afrikaanse kulturele diversiteit en goeie burgerskap.
Kontak Jeremy van Wyk by 073 240 7898 of dao.potskerf@gmail.com vir meer inligting.
ARTIKEL: TISHA STEYN, OUDTSHOORN COURANT KORRESPONDENT.
'Ons bring jou die nuutste Oudtshoorn, Klein-Karoo nuus'
