OUDTSHOORN NUUS - Roy Brown en sy agt-maande-oue seun (Roy junior) het vanoggend in Oudtshoorn aangekom as deel van hul 32 dae lange staptog om fondse in te samel vir Famsa en Pacsa.
Sy vrou Jessica reis ook saam met hulle.
Tot dusver het hulle sowat 3 000 km te voet afgelê vanaf Pietermaritzburg en moet hulle nog 22 dae stap voordat hulle weer by hul beginpunt eindig.
Volgens Roy beoog hulle om vir twee aande in Oudtshoorn te rus voordat hulle Woensdag na Worcester vertrek. Sy doel is om R1-miljoen in te samel.
Enige persone wat Roy wil borg of wil bydrae tot hierdie goeie doel kan Famsa by 033 342 4945 of Pacsa by 033 342 0052 skakel.
Voornemende borge kan ook Roy direk by 084 797 4079 skakel.
Roy Brown en sy agt-maande-oue seun (Roy junior).
'Ons bring jou die nuutste Oudtshoorn, Klein Karoo nuus'
