Regeringsamptenare maak nie leë beloftes

OUDTSHOORN NUUS - Sy nuwe rolstoel is bewys dat nasionale ministers en regeringsamptenare nie leë beloftes maak nie, sê Caswell Mangolyana.

Met die besoek van die Nasionale Raad van Provinsies aan die dorp, het Mangolyana aan regeringsamptenare vertel van sy stryd om `n nuwe rolstoel te bekom. En verlede week is `n nuwe stoel aan hom besorg.

Die minister van sosiale ontwikkeling, Bathabile Dlamini, het boonop ook `n uitnodiging aan Mangolyana gerig om die nasionale raadsitting in Kaapstad as eregas by te woon.

Hy is per taxi na Kaapstad en is voor die ingang na die parlement afgelaai. Hy het ook die aand in `n hotel geslaap en is die volgende dag weer terug na sy tuisdorp.

"Ek het die begrotingstoespraak bygewoon," het Mangolyana die week vertel. Daar het hy gehoor dat meer geld beskikbaar gemaak sal word vir crèches en sopkombuise.

"Dit was `n groot voorreg," beskryf Mangolyana die ervaring.

Hy het ook `n brokkie advies aan elkeen wat `n spreekbeurt voor die regerings-amptenare gekry het: "Elkeen het `n verwysingsnommer ontvang.

Skakel die minister met daardie nommer. As jy opstaan vir jou regte, sal jy gehoor word."

Meer oor Casswell:

Verwante artikels:

Kyk na 'n video oor hoe Casswell Mangolyana plastiekhouers wat hy vir 'n inkomste verkoop.