Kankersiftingstoetse mik om kanker op te spoor voor simptome verskyn. Die voordele van siftingstoetse in terme van voorkoming, vroeë opsporing en daaropvolgende behandeling is enorm en KANSA moedig alle mans aan om dit gereeld te laat doen.
Die Prostaat-spesifieke antigeen (PSA) bloedtoets word gedoen om PSA vlakke te toets. PSA is ‘n proteïen wat deur die prostaat afgeskei word - hoë vlakke daarvan kan ontsteking van die prostaat, of kanker aandui.
KANSA in samewerking met AMPATH en PATHCARE bied gedurende Junie en Augustus aan mans die geleentheid om ‘n PSA toets teen ‘n verminderde fooi van R105 te laat doen.
Bloedtoetse kan gedoen word by AMPATH of PATHCARE, asook jou naaste dokter. Terugvoeroor die uitslag van die toetse sal deur KANSA aan die individu gegee word.
Vir meer inligting kontak vir Anina Meiring of suster Tersia Fourie by 044 874 4824.
'Ons bring jou die nuutste Oudtshoorn, Klein Karoo nuus' 
